«Астана дарыны» дарындылықты дамыту және психологиялық сүйемелдеу орталығы №74 мектеп-лицейімен бірлесіп, Республикалық «Мұқағали Мақатаев» оқуларының қалалық іріктеу кезеңін 7 – 11 сынып оқушылары арасында 06 сәуір күні өткізетінін хабарлайды.
Оқулардың мақсаты – Мұқағали Мақатаев шығармаларын насихаттау, оқушылардың шығармашылық қабілеттерін анықтау.
Ережеге сәйкес оқулар үш номинация бойынша өткізіледі:
- «Айтып өткен ақында арман бар ма?» – ақын өлеңдерін жатқа оқу;
- «Жыр эстафетасы» – ақын поэмаларын жатқа оқу;
- «Көкірегімде жыр сәулесі маздайды…» – жазба ақындар мүшайрасы;
Республикалық кезеңге қалалық іріктеу кезеңінің жеңімпаздарынан Ережеде көрсетілген номинациялар бойынша елордалық команда жасақталады.
Қалалық іріктеу кезеңінің қатысушыларына сәттілік тілейміз!