VI Халықаралық мегаполистер олимпиадасы 2021 жылғы желтоқсан айының 6-23 күндері 14-18 жас оқушылар арасында математика, информатика, химия және физика пәндерінен қалаларға таратылған жергілікті онлайн форматта өткізілді.
Биылғы оқу жылында әлемнің 34 ірі мегаполисі өз командаларын таныстырды.
Нұр-Сұлтан қаласынан дарынды ер балаларға арналған «БИЛ» және «NURORDA»мектеп-лицейі командалары қатысты.
Олимпиада блиц-тур мен екі негізгі турды қамтыды.
Блиц турнирде елордалық команда «the Blitz – Contest results» рейтингісінде Prize-winner сыйлығының лауреаты атанып, 11-ші қатарға орнықты.
Елордалық оқушылар тартысты додада жалпыкомандалық есепте ІІІ орынға ие болды. Жеке есепте қатысушылар үш қола медальмен марапатталды. Медаль иегерлері:
Әлихан Алпыспеков– дарынды ер балаларға арналған «БИЛ», математикадан қола медаль;
Мұхаммед Нағашбек- «NURORDA» МЛ , математикадан қола медаль;
Нұрдәулет Назарбай- «NURORDA» МЛ, физикадан қола медаль.
Жүлдегерлерді, сондай-ақ олардың ата-аналары мен мұғалімдерін құттықтаймыз!
