«Астана дарыны» дарындылықты дамыту және психологиялық сүйемелдеу орталығы №58 мектеп-гимназиясымен бірлесе 2022 жылдың 19 сәуірі күні 7-11 сынып оқушылары арасында республикалық «Ілияс Жансүгіров» оқуларының қалалық кезеңін өткізетінін хабарлайды.
Байқаудың мақсаты: жалпы білім беретін мектеп оқушылары арасында Ілияс Жансүгіров шығармаларын насихаттау, оқушылардың әдебиеттік шығармаларға құштарлығын, қабілеттерін, эстетикалық талғамдарын арттыру.
Ілияс Жансүгіров оқулары Ережеге сәйкес үш бағыт бойынша өтеді:
— «Ілияс — эпик ақын» поэмаларын жатқа оқу;
— «Сұлу сөздің сүлейі» өлең, прозалық және драмалық шығармаларын жатқа оқу;
— «Ағынды менің-Ақсуым» ақындар мүшайрасы.
Оқулар3 кезеңде өтеді:
І мектепішілік кезең – 2022 жыл сәуір айында;
ІІ қалалық кезең – 2022 жыл 19 — сәуір күні;
ІІІ республикалық кезең – 2022 жыл мамыр айында өтеді.
Қалалық іріктеу кезеңінің жеңімпаздары (бас жүлде) мамыр айында Алматы облысы Талдықорған қаласында өтетін республикалық кезеңге қатысады.
Қатысушыларға сәттілік тілейміз!
