🇰🇿 Қазақстан құрамасы IJSO халықаралық жаратылыстану-ғылыми олимпиадасында 100% нәтиже көрсетті.
🇷🇴 2024 жылдың 2-12 желтоқсан аралығында Бухаресте өткен XXI Халықаралық жасөспірімдер арасындағы жаратылыстану-ғылыми олимпиадасы (IJSO) өз мәресіне жетті. Бұл беделді білім сайысына әлемнің 60 елінен 360-тан астам оқушы қатысып, физика, химия және биология пәндері бойынша өз білімдерін көрсетті.
⚡️ Қазақстан құрамасында алты оқушы болды. Сайыс қорытындысы бойынша біздің оқушылар 100% нәтиже көрсетіп, алты медаль жеңіп алды. Команда мүшесі, Астана қаласы «NURORDA» мектеп-лицейінің 9-сынып оқушысы Ибраимов Абдижан қола медальға ие болды.
📌 Анықтама:
IJSO – 15 жасқа дейінгі мектеп оқушыларына арналған халықаралық ғылыми сайыс. Бұл олимпиада 2004 жылдан бері өткізіліп келеді. 2023 жылы Бангкокта өткен жарыста Қазақстан құрамасының барлық алты қатысушысы жүлдегер атанған болатын. Биыл да оқушылар Астанада екі апталық оқу-жаттығу жиындарынан өтіп, ел намысын абыроймен қорғады.
👏🏻 Қазақстан құрамасын, команда жетекшілерін, ұстаздар мен ата-аналарды тамаша жетістіктерімен , жеңістерімен құттықтаймыз!
