2024 жылдың 16-18 маусым күндері аралығында Алматы облысы Райымбек ауданы Қарасаз ауылында Қазақстан Республикасы Оқу-ағарту министрлігі «Дарын» республикалық ғылыми-практикалық орталығының қолдауымен, Алматы облысы Білім басқармасы және «Жас Дарын» өңірлік орталығының ұйымдастыруымен « М.Мақатаев оқулары» байқауы өтті.
Ақиық ақынның туған ауылындағы Е.Ібітанов атындағы мәдениет үйінің төрінде еліміздің әр өңірінен келген 51 оқушы «Айтып өткен ақында арман бар ма?» ақын өлеңдерін мәнерлеп оқу; «Жыр эстафетасы» («Аққулар ұйықтағанда», «Райымбек! Райымбек!», «Алтай-Атырау» поэмаларын жатқа айту); «Көкірегімде жыр сәулесі маздайды» жас ақындар сайысы номинациялары бойынша өз өнерлерін ортаға салды.
Байқаудың қорытынды кезеңінде «Көкірегімде жыр сәулесі маздайды» номинациясында бақ сынаған Астана қаласындағы №76 мектеп-лицейінің 10 – сынып оқушысы Қайратұлы Абылай Райымбек ауданы әкімінің арнайы сыйлығымен марапатталып, 50000 теңге сертификатын жеңіп алды.
Жүлдегерімізді құттықтаймыз!