Елордалық жас абайтанушылар жеңіспен оралды
2023 жылғы 26-28 маусым аралығында Алматы қаласында V Республикалық «Абайтану» олимпиадасы өтті.
Жас дарындардың Абай шығармашылығын танудағы білімдерін сарапқа салатын олимиададаға облыстар мен республикалық маңызы бар қалалардан 9-11 сынып оқушылары қатысқан болатын. Білім бәсекесінде Елорда намысын қорғаған олимпаиадашылар үздік нәтиже көрсетіп, жүлдемен оралды.
Жеңіс тұғырынан көрінген олимпиадашыларымыз – Абай Құнанбайұлы атындағы № 87 мектеп-гимназияның 10-сынып оқушысы Ұлпан Арғынбаева 1-орынды, 11-сынып оқушысы Меруерт Асембаева 2-орынды иеленді.
Естеріңізге сала кетейік, V Республикалық олимиададаға Астана қаласындағы Б. Майлин атындағы № 52 мектеп-гимназиядан 1 оқушы, Абай Құнанбайұлы атындағы № 87 мектеп-гимназиядан 3 оқушы қатысқан болатын.
Астанның олимпиада қоржынын алтын және күміс медальдармен толтырған жас дарындарға және оны республикалық білім бәйгесіне баптаған ұстаздарға алғыс білдіреміз!
