2023 жылдың 14 сәуірінде «Астана дарыны» орталығы «Роботек» білім беру және спорттық робототехника мектебімен бірлесе отырып «Сызық бойымен жарыс» санатындағы роботтар жарысын №8 мектеп-лицейінде өткізді. Жарысқа мемлекеттік білім беру мекемелерінің оқушылары қатысты.Жарыстың мақсаты – роботтарды жобалау, бағдарламалау, инженерлік ғылымдар және басқа да инновациялық білім беру технологиялары саласындағы дарынды оқушыларды анықтау және қолдау.Ережеге сәйкес жарысқа әр мектептен 14-17 жас аралығындағы бір команда қатысты. Роботтар жарысы үшін қатысушылар берілген траектория бойынша басынан аяғына дейін жүре алатын автономды робот дайындады.«Сызық бойымен жарыс» санатындағы роботтар жарысы қатысушыларының ішінен озып шыққан жеңімпаздар мен жүлдегерлер қазылар алқасының шешімімен «Астана дарыны» орталығының I, II, III дәрежелі дипломдары, грамоталарымен марапатталды: I орын: №1 МЛ;II орын: №№ 31 МГ, 68 МГ;III орын: №№8 МЛ, 51 МГ, 86 МГ;грамота: №№60 МЛ, 38 МЛ, 67 Г.Жарысқа қатысқан барлық оқушыларға сертификаттар беріледі. Барлық жүлдегерлерді құттықтаймыз!
