2023 жылдың 2 наурызында Л.Гумилев атындағы Еуразия ұлттық университетінің концерт залында 9-11 сынып оқушылары арасында жалпы білім беретін пәндер бойынша республикалық олимпиаданың қалалық кезеңінің жеңімпаздары мен жүлдегерлерін марапаттау салтанаты өтті.
2022-2023 оқу жылындағы олимпиаданың қалалық кезеңіне 1555 оқушы қатысып, 93 жеңімпаз және 621 жүлдегер I, II, III дәрежелі медаль, дипломдармен марапатталды.
Бүгінгі марапаттау салтанатында олимпиада жеңімпаздарының ұстаздары мен тәлімгерлері де құрмет пен қошеметке бөленді.
Сонымен қатар «Астана Дарыны» дарынды балалар мен талантты жастарды анықтау және қолдау орталығы елорданың олимпиадалық қозғалысына қолдау көрсеткен IT университеті мен Л.Гумилев атындағы Еуразия ұлттық университетінің басшылығына үлкен алғыс білдіреді.
Жеңімпаздар бен жүлдегерлерді құттықтаймыз! Ұшқыр ой мен терең білімдеріңіз, нұрлы ақылдарыңыз сіздерді толағай табыстарға жетелесін!
Астана қаласының командасына шын жүйріктер бақ сынасатын республикалық кезеңде сәттілік тілейміз!
