«Астана дарыны» дарынды балалар мен талантты жастарды анықтау және қолдау орталығының 2022 жылғы жұмыс жоспарына сәйкес «Роботек» робототехника мектебімен бірлесе отырып, желтоқсан айының 10 және 18 күндері аралығында робототехникадан «Robotek Grand Tournament» қалалық іріктеу чемпионатын №8 мектеп-лицейінде (С.Сейфуллин к. 50) өткізеді. Чемпионаттың мақсаты- роботтарды жобалау, бағдарламалау, инженерлік ғылымдар және басқа да инновациялық білім беру технологиялары саласындағы дарынды оқушыларды анықтау және қолдау. Чемпионатқа 7 номинация бойынша 9 бен 17 жас аралығындағы оқушылар командалары қатыса алады. Чемпионатқа қатысу үшін сұранысты 2022 жылғы 20 қарашаға дейін https://forms.gle/t9DRRRY9s5sQNFPb6 сілтеме бойынша тіркелу қажет. Қалалық чемпионатқа қатысатын командалардың тізімі және барлық ақпараттар https://rgt.robotek.kz/ сайтында және https://t.me/RobotekGT телеграмм-каналында орналастырылады. Барлық сұрақтар бойынша +7(700) 772-28-31 (WhatsApp нөмірге), e-mail: robotek.gt@gmail.com поштасына жаза аласыз .
