Елордалық жас зияткерлер көпшілікті өз жеңістерімен қуантуды жалғастыруда!
Кезекті рет Нұр-Сұлтан қаласы 1 алтын, 1 күміс медаль иеленіп, физика бойынша білім биіктігін көрсете білді.
Халықаралық физика олимпиадасының (IPhO-2021) рейтінгісінде көш бастап тұрған 20-ға жуық алыс-жақындағы мемлекеттердің дарынды оқушылары атаулы білім додасында үш тәулік бойы бақ сынады.
2021 жылдың 7-13 қараша аралығында Өзбекстанның Ферғана қаласында алғаш Ахмед әл-Фарғани атындағы халықаралық физика олимпиадасы өтуде. Қазақстан атынан 2 ғылыми жетекшінің жетекшілігімен 8 оқушы қатысты.
Ел құрамасына енген елордалық екі оқушымыз да үздік нәтиже көрсете білді.
Олимп шыңын кезекті рет бағындырған біздің жұлдыздарымыз:
Назарбай Нұрдәулет, «NURORDA» МЛ, Нұр-Сұлтан қ. – алтын медаль!
Нахып Ердәулет- «NURORDA» МЛ, Нұр-Сұлтан қ. – күміс медаль!
Табысты нәтижеге қол жеткізген жеңімпаз жұлдыздарымызды құттықтаймыз және алдағы білім сайыстарында сәттілік тілейміз!
![](http://astanadaryny.kz/wp-content/uploads/2021/11/f022eff2-f485-4dca-885f-80e399970c6dва-1.jpg)
![](http://astanadaryny.kz/wp-content/uploads/2021/11/ca9213cf-ffdc-4965-8d9a-057a2e02414c-1.jpg)
![](http://astanadaryny.kz/wp-content/uploads/2021/11/b2b46ed8-768b-4f3c-a46d-76f48141562b-1.jpg)
![](http://astanadaryny.kz/wp-content/uploads/2021/11/ca9213cf-ffdc-4965-8d9a-057a2e02414c-2.jpg)