«Астана дарыны» дарындылықты дамыту және психологиялық сүйемелдеу орталығы жұмыс жоспарына сәйкес «Зерделі» ақыл-ой дамыту орталығымен бірлесе отырып 2021 жылдың қазан, қараша айларында
5-6 сынып оқушылары арасында математика пәнінен «Алтын сақа» республикалық олимпиадасының аудандық, қалалық кезеңін өткізетінін хабарлайды.
Олимпиаданың мақсаты – математика пәні бойынша қабілетті оқушыларды анықтап, оқушыларды математикалық ұғымдарды талдауға, сыни тұрғыда ойлауға, күрделі есептерді шешуге дағдыландыра отырып, олимпиада резервін қалыптастыру.
Олимпиада 4 кезеңнен, екі тілде өтеді:
І кезең (мектепішілік) – 4-9 қазан аралығында;
ІІ кезең (аудандық) – 23 қазан;
ІІІ кезең (қалалық) – 20 қараша;
IV кезең (республикалық) – 2022 жылдың сәуір айында;
Олимпиадаға сұраныс 2021 жылдың 30 қыркүйегіне дейін көрсетілген сілтеме http://tiny.cc/nur-sultan_altyn_saqa_5-6 бойынша қабылданады.
Олимпиада жөнінде қосымша ақпарат алу үшін мына байланыс телефонына хабарлассаңыз болады: +77029331875.