Қазақстанның дарынды мектеп оқушылары биік белестерді бағындыруды жалғастыруда!
– Біздің команданың 2021 жылғы 18-23 шілде аралығында қашықтық форматында өткен Халықаралық биология олимпиадасында (бұдан әрі – ХБО) 1 күміс, 2 қола және 1 Құрмет грамотасын иеленді.
Жүлде иегерлері:
Күміс медаль – Темірбеков Ерасыл, Өскемен қаласындағы химия-биология бағытындағы Назарбаев Зияткерлік мектебінің сынып 11 оқушысы;
Қола медаль – Батыржанов Ернар, Ақтөбе қаласындағы дарынды ер балаларға арналған «Білім-инновация» мектеп-интернатының 10 сынып оқушысы;
Қола медаль – Ерназаров Бақдәулет, Алматы қаласындағы дарынды ер балаларға арналған «Bilim-Innovation» мектеп-интернаты лицейінің 9-сынып оқушысы;
Құрмет грамотасы – Абдуули Гүлдана, Нұр-Сұлтан қаласындағы «NURORDA» мектеп-лицейінің 10-сынып оқушысы.
Біздің жас зияткерлер командасын, сондай-ақ олардың жаттықтырушыларын Олимпиададағы кезекті жетістіктерімен құттықтай отырып, алдағы уақытта да сәттілік тілейміз!
