2021 жылдың 5-7 мамырында «Дарын» Республикалық ғылыми-практикалық орталығы Сүлеймен Демирел университетімен (SDU) бірлесіп, VІІІ Халықаралық «INFOMATRIX-ASIA 2021» компьютерлік жобалар байқауын (https://infomatrix.asia/) онлайн режимінде өткізді.
Ақпараттық технологиялар саласындағы үздік студенттерді біріктіру мақсатында кәсіби шеберлікті арттыруға бағытталған байқау 2013 жылдан бастап жыл сайын өткізіліп келеді.
Байқауға компьютерлік бағдарламалау, компьютерлік өнер және математикалық жобалар номинациялары бойынша 28-ден астам елден 400-ге жуық студент қатысты.
Елорданың атынан 13 мектеп оқушылары қатысты, олардың ішінде 9 оқушы түрлі деңгейдегі медальдарға ие болды: 1 алтын (БИЛ) және 8 қола медаль (№ 51 МГ, №65 МГ, БИЛ (ұл) (6)).
Сулейман Демирел университетіне оқуға 3 елордалық оқушы жеңілдіктер алды: №51 МГ оқушысы Әбенова Нұрила және дарынды ер балаларға арналған «Білім-инновация» лицейінің оқушысы Алиханов Рахим 50% жеңілдік алды, ал «Білім-инновациясы» дарынды ер балаларға арналған лицейдің оқушысы Альфараби Дүйсенбаевқа 30% жеңілдік берілді.
Халықаралық беделді байқаудың жеңімпаздарын құттықтаймыз!