2021 жылдың 21 сәуірінде «Астана дарыны» дарындылықты дамыту және психологиялық сүйемелдеу орталығының директоры Тұрсынов Ғаждембек Қуанышұлы мен «Балалар көркемсурет мектебі» МКҚК директоры Исенова Гүлзия Жағыпарқызы екі жақты меморандумға қол қойды.
Ғаждембек Қуанышұлы мен Гүлзия Жағыпарқызы еліміздің интеллектуалды элитасын қалыптастыру, білім беру сапасын жетілдіруде тиімді ынтымақтастық орнату, бәсекеге қабілетті жас дарындарды дамыту мен тәрбиелеу туралы басымдылықтарды орындау мен білім беру бағдарламаларын іске асыру бойынша жұмыстар мен жоспарларды талқылады.
Сондай-ақ, тараптар коммуникацияны дамытуға, жаңа технологияларды зерделеуге баса назар аудара отырып, әртүрлі республикалық және халықаралық білім беру бағдарламалары мен жобаларын жүзеге асыруды жоспарлауда.
