«Астана дарыны» дарынды балалар мен талантты жастарды анықтау және қолдау орталығы
Астана қаласы тоғызқұмалақ федерациясымен бірлесе отырып аудандық кезеңнің 16 жеңімпаз-жүлдегер арасында қалалық «Бестемше» ұлттық ойыны жарысын 2023 жылдың наурыз айының 17 күні №5 «Ақбота» балабақшасында өткізді.
Дүниежүзілік Тоғызқұмалақ федерациясы және халықаралық деңгейдегі жаттықтырушылардың, тоғызқұмалақтан халықаралық дамыту дәрежедегі спорт шебері, мемлекеттік степендия иегерінің төрелік етуімен ІІ «Бестемше» ұлттық ойын жарысы 4 аймаққа бөлініп, бірнеше айналымда ұйымдастырылды.
Ұлттық ойын айналымында аймақтар бойынша жеңген №85 “Мейіржан ” б/б,
№5 “Ақбота” б/б, №66 “Толағай ” б/б, №71 “Мөлдір” б/б қатысушылары арасында жүлделі орындар иегері атағына лайықты қызу тартысты ойын өтті.
Төрешілердің шешімімен І дәрежелі диплом және алтын медаль №85 “Мейіржан “,
№5 “Ақбота”, №71 “Мөлдір” балабақшаларының тәрбиеленушілерінің еншісіне тисе, №66 “Толағай ” балабақшасының тәрбиеленушісі ІІ дәрежелі диплом мен күміс медаль иеленді.
Барлық қатысушыларға (№25 “Таңшолпан”,№44 “Үркер”,№92 “Жауқазын”, №56 “Береке”,№70 “Құлыншақ”,№12 “Қарлығаш”, №28 «Жұлдыз» санаториялық б/б,
№94 “Сұңқар”,№79 “Шабыт”,№36 “Балапан”,№69 «Еркем-ай», №47 “Ақ желкен”б/б) ынталандыру грамотасы тапсырылды.
Жарыстың жоғары деңгейде өтуіне қосқан үлесі үшін Жолбарысова Мөлдір Айткалиевна басшылық етіп отырған №5 «Ақбота» балабақшасының ұжымына алғысымызды білдіреміз.
