Астаналық дарындар оқушыларына арналған «Ғылым әлемін ашамыз» ғарыштық зерттеулер бойынша Халықаралық ғылыми конкурсында 1 күміс, 5 қола медаль иеленді

Астаналық дарындар оқушыларына арналған «Ғылым әлемін ашамыз» ғарыштық зерттеулер бойынша Халықаралық ғылыми конкурсында 1 күміс, 5 қола медаль иеленді

2025 жылы 9-11 сәуір аралығында Астана қаласында «Дарын» республикалық ғылыми-практикалық орталығының (бұдан әрі – «Дарын» РҒПО) ұйымдастыруымен 9-11(12) сынып оқушыларына арналған «Ғылым әлемін ашамыз» ғарыштық зерттеулер бойынша Халықаралық ғылыми конкурсы өтті (бұдан әрі – ғылыми конкурс).

Ғылыми конкурстың негізгі мақсаты — ғылыми-зерттеу қызметіне қатысты балалардың және жасөспірімдердің қызығушылығын дамыту ; отандық және әлемдік ғарыш жетістіктерін насихаттау ; ғарыштық және ақпараттық технологиялар саласындағы халықаралық ынтымақтастықты ынталандыру .

Елордадағы әл-Фараби атындағы оқушылар сарайының базасында өткен ғылыми конкурсқа Англия , Ресей , Қырғызстан , Өзбекстан елдерінен, Қазақстанның барлық облыстарынан, Астана, Алматы және Шымкент қалаларынан және «Назарбаев Зияткерлік мектептерінен», республикалық физика-математикалық мектептерінен 100-ге жуық 9-11(12) сынып оқушылары қатысып, «Ғарыштық техника және инфрақұрылым», «Ғарыштық ақпараттық технологиялар және модельдеу», «Күн жүйесі және ғарыш физикасы» және «Биология және ғарыштық медицина» секциялары бойынша бақтарын сынады .

Конкурсқа Астана қаласынан 6 оқушы қатысып, алтауы да жеңіс тұғырынан көрінді . Олар:
ІІ орын:
Сулеймен Ханзере, 93 МЛ, 11-сынып;
ІІІ орын:
Холматов Алишер, Ә.Бөкейхан ат. BINOM SCHOOL МЛ, 11-сынып;
Желдикбай Ерсаин, №9 «Зерде» МЛ, 11-сынып;
Ерғабыл Жалғас, №9 «Зерде» МЛ, 11-сынып:
Жөкен Қарлығаш, Ы.Алтынсарин ат. BINOM SCHOOL МЛ, 10-сынып;
Амангельдинова Камила, Ы.Алтынсарин ат. BINOM SCHOOL МЛ, 10-сынып.

Жеңімпаздарды құттықтаймыз!