Астана қаласы әкімдігінің «Астана дарыны» дарынды балалар мен талантты жастарды анықтау және қолдау орталығы 2025 жылы 22 қаңтарда білім беру мекемелерінің 8-11 сынып оқушылары арасында «Әбіш оқулары» республикалық ғылыми-шығармашылық конкурсының қалалық кезеңін (бұдан әрі-Конкурс) өткізеді.
Байқау 4 бағыт бойынша өтеді:
- Ә. Кекілбаев шығармалары бойынша иллюстрациялық суреттер салу;
- Ә. Кекілбаевтың прозалық және поэзиялық шығармалары бойынша мәнерлеп оқу;
- Шығармашылық жұмыс;
- Ә. Кекілбаев шығармаларынан сахналық қойылым.
Әр білім беру мекемесінен әр бағытқа 1 оқушыдан, жалпы саны 3 оқушы, 1 команда (команда құрамы 5 адамнан аспауы тиіс) қатысады.
Өтетін орны: Астана қаласы, Т. Рысқұлов көшесі, 20, Ә. Кекілбаев атындағы BINOM School мектеп-лицейі.
Тіркеу: сағат 08.00. – 08.45. аралығында.
Басталуы: сағат 09.00.-де.
