«Астана дарыны» дарынды балалар мен талантты жастарды анықтау және қолдау орталығы мен «ELGEZEK» даму орталығы бірлесіп American Councils қолдауымен қалалық білім беру мекемелерінің қазақ тілін меңгерген өзге ұлт оқушылары арасында «Сәулелі көлеңке» (көлеңке театр) қалалық байқауын өткізеді.
«Сәулелі көлеңке» байқауының мақсаты: өзге ұлт өкілдері арасында мемлекеттік тілді қолдау, олардың тіл байлығын, коммуникативтік дағдыларын дамыту, мәдени өзара әрекеттесуін нығайту. Қатысушылар Байқауға ұсынатын қойылымдарына қазақ прозасына өзгеше өрнек, ғажайып сыр-сипат әкелген көрнекті жазушы, балалар әдебиетінің классигі Бердібек Соқпақбаевтың шығармаларын арқау етеді.
Байқау мемлекеттік тілде өтеді.
Әр білім беру мекемесінен 5-6-7 сынып оқушыларынан құрылған 1 топ қатысады.
Байқау екі кезеңнен тұрады:
Бірінші – іріктеу кезеңі (онлайн).
Іріктеу кезеңіне тіркелу 2025 жылдың 05 ақпанына дейін жүргізіледі.
Екінші – қорытынды кезең.
Қорытынды кезеңге Байқаудың онлайн іріктеуінен өткен топтар қатысады.
