2024 жылы маусымның 10-13 күндері аралығында ұлылар мекені – қасиетті Абай елінде өткен XXV Мерейтойлық республикалық «Абай оқулары» шығармашылық конкурсында астаналық дарындар жүлделі орындарды иеленіп, жеңіс тұғырына көтерілді. Білім мен өнер додасында бақтарын сынаған елордалық 6 оқушының 4-і жеңімпаз атанды. «Өлең-сөздің патшасы, сөз сарасы» бағыты бойынша №87 мектеп-гимназиясының 10 -сынып оқушысы Азаматқызы Саяжан мен «Көңілім әнді ұғады» бағыты бойынша №49 орта мектебінің 10 — сынып оқушысы Мукашев Тәңірберген II орынды иеленсе, «Жүйріктен жүйрік озар жарысқанда» бағытында №87 мектеп-гимназиясының 9- сынып оқушысы Махсұтханова Айғаным III орын алды. Ал «Сөз өнеріндегі ұлы Абай бейнесі»бағытында сайысқан №87 мектеп-гимназиясының 11 — сынып оқушысы Арғынбаева Ұлпан арнайы жүлдемен марапатталды.
ҚР Оқу-ағарту министрлігі «Дарын» ғылыми-практикалық орталығының ұйымдастырумен Абай облысының «Абай және Шәкәрім» мемориалдық кешенінде өткізілген дәстүрлі шараға республика бойынша 23 команда, 130-дан астам жас абайтанушы қатысты. Абай оқуларына қатысқан жас таланттар 6 бағыт бойынша өз бақтарын сынады.
Жеңімпаздарды жүлделерімен құттықтаймыз!
