«Астана дарыны» дарынды балалар мен талантты жастарды анықтау және қолдау орталығы Ілияс Жансүгіров атындағы №58 мектеп-гимназиясымен бірлесіп 2023 жылдың 24 қарашасында 8-10 сынып оқушылары арасында «Қазақ хандығы» қалалық турнирін өткізеді. Ережеге сәйкес турнирге әр мектептен 1 баладан қатысады. Турнир мемлекеттік тілде өтеді.
Турнирдің мақсаты: оқушылардың тарихи білімділігін, логикалық ойлау қабілетін арттыру, ойын арқылы тарихи танымын дамыту.
«Қазақ хандығы» — қазақ халқының тарихы мен мәдениетіне негізделген ойын. Ойында қарсыласқа барымта жасау сияқты қазақ халқының салт-дәстүрі ескерілген. Сонымен қатар «көрімдік», «қалың мал», «тойбастар» карталарын аша отырып, қарсыласыңызға қолқа салып, ұпай жинауыңызға болады. Қатысушылар ойын арқылы-ақ хандыққа бастар жолдың оңай емес екенін түсінеді. Оқушылардың адамгершілік, құндылық түсініктерін дамытатын, әлеуметік-мәдени маңызы зор турнирге қатысуға елорда мектептерінен 30 оқушы тіркелді. Қатысушылар «Қазақ хандығы» ойынының ережесімен таныс болуы керек.
Қатысушылар:
1. Мектеп формасында, екінші аяқ киіммен;
2. Әр қатысушы өз «Қазақ хандығы» үстел ойынын алып келуі қажет.
Өтетін орны: Ілияс Жансүгіров атындағы №58 мектеп-гимназиясы (Ақан сері көшесі, 22).
Тіркеу: сағ. 8:30-8:45
Басталуы: сағ. 09:00