2023 жылдың 29-30 маусым күндері Алматы облысы Райымбек ауданы, Қарасаз ауылында өтетін республикалық шараға Астана қаласынан 3 үміткер қатысады. Олар «Астана дарыны» орталығының ұйымдастыруымен өткен республикалық Мұқағали Мақатаев оқулары қалалық кезеңінің жеңімпаздары — № 24 орта мектебінің 8-сынып оқушысы — Әмина Байкемелқызы, № 54 мектеп-лицейінің 8-сынып оқушысы Марат Гүлназым, № 67 гимназияның 8- сынып оқушысы — Сағыныш Әкімжан. Үміткерлер «Айтып өткен ақында арман бар ма?», «Жыр эстафетасы» және «Көкірегімде жыр сәулесі маздайды» номинациялары бойынша өнер көрсетеді. Жалпы білім беретін мектеп оқушылары арасындағы республикалық шығармашылық сайыста өнер көрсететін өрендерімізге сәттілік тілейміз. Жүлдемен оралуларына тілектеспіз!
