Республикалық «Ақберен» өнер байқауының қалалық іріктеу кезеңі Астана дарыны» ДДжПС орталығы жас ұрпақтың бойына отаншылдық пен ұлттық рухты сіңіру, тілді, әдебиетті жете меңгеру, өлең жазу, ақындық, сөз өнерінің қадір-қасиетін түсіну, шығармашыл жастардың дарындылығын айқындау мақсатында 8-11 сынып оқушылары арасында IX республикалық «Ақберен» өнер байқауының қалалық іріктеу кезеңін (бұдан әрі – Байқау) 2022 жылғы 18 қазан күні № 70 мектеп-лицейінің базасында (байқауға қатысушыларды тіркеу – сағат 8.00-8.45., басталуы – сағат 9.00.) өткізетінін хабарлайды.
Байқау 6 бағытта өткізіледі:
- Шешендік өнер, білгірлік сайысы (қазақ тарихы, мәдениеті, фольклоры туралы сұрақтарға жауап беру, шешендік өнер тарихын білу, шешен сөйлеу);
- Көркемсөз оқу (поэзия, проза, драма);
- Эссе жазу;
- Ұлттық аспапта ойнау ( домбыра, қобыз, жетіген және т.б.);
- Ақындар айтысы;
- Ақындар мүшәйрасы.
Байқаудың қалалық кезеңіне қатысу үшін 2022 жылдың қыркүйек айының 30-на дейін қабылданады. Әр білім беру мекемесінен әр номинацияға 1 оқушыдан, жалпы саны 6 оқушы қатысады.
Республикалық кезеңге іріктеу нәтижесінде жеңімпаз атанған өнерпаздардан Ережеде көрсетілген өнер түрлері бойынша құрылған елордалық команда жіберіледі.
