«Астана дарыны» ДДжПСО жас ұрпақтың бойына отаншылдық пен ұлттық рухты сіңіру, тілді, әдебиетті жете меңгеру, өлең жазу, ақындық, сөз өнерінің қадір-қасиетін түсіну, шығармашыл жастардың дарындылығын айқындау мақсатында 8-11 сынып оқушылары арасында республикалық VІII «Ақберен» өнер байқауының қалалық іріктеу кезеңін осы жылдың 14 қазанында Нұр-Сұлтан қаласы № 70 мектеп-лицейінде өткізетінін хабарлайды.
Байқау 6 бағытта өткізіледі:
- Шешендік өнер, білгірлік сайысы (қазақ тарихы, мәдениеті, фольклоры туралы сұрақтарға жауап беру, шешендік өнер тарихын білу, шешен сөйлеу);
- Көркемсөз оқу (поэзия, проза, драма);
- Эссе жазу;
- Ұлттық аспапта ойнау ( домбыра, қобыз, жетіген және т.б.);
- Ақындар айтысы;
- Ақындар мүшәйрасы.
Қатысушыларға сәттілік тілейміз!