«Астана дарыны» дарындылықты дамыту және психологиялық сүйемелдеу орталығы І қалалық «Әдебиет әліппесі» оқуларын 2 – 4 сынып оқушылары арасында өткізетінін хабарлайды.
Оқулардың мақсаты – мектеп оқушыларының қиялын, эстетикалық және адамгершілік сезімдерін дамыта отырып, халық шығармашылығын құрметтеуге, еңбексүйгіштікке тәрбиелеу.
Оқулар екі кезеңде өтеді:
І кезең – білім беру мекемелерінде: 2021 жылдың қыркүйек, қазан айларында;
ІІ кезең – қалалық кезең: 2021 жылдың 22 қазан күні.
Ережеге сәйкес оқулар төрт номинация бойынша өткізіледі:
1. «Өнер алды….» — ертегіні мәнерлеп, жатқа оқу номинациясы;
2. «Ойлан, тап» — берілген сөздер мен сөз тіркестерінен өлең жолдарын құрастыру номинациясы;
3. «Алтын сақа» — шығарманы жалғастыру номинациясы;
4. «Ақ желкен» — шығармашылық жұмыс номинациясы.
Оқуларға қатысу туралы сұраныс ақпарат хатында берілген сілтеме арқылы қабылданады.
Қосымша ақпарат алу үшін мына байланыс телефондарына хабарласуыңызға болады: 8/7172/ 20 26 83, 87012524595.